Ըստ խիստ հավաստի տեղեկությունների, մինչեւ վերջին պահը «Ժառանգության» ու «Ազատ դեմոկրատների» միջեւ
բանակցություններ են ընթացել ընտրություններին դաշինքով մասնակցելու ձեւաչափի շուրջ: Ավելին, ինչպես մեզ հաջողվեց պարզել, անգամ դաշինքի անունն է քննարկվել: Տարբերակները երկուսն են եղել` «Նոր Հայաստան» կամ «Րաֆֆի+»:
«Ազատ դեմոկրատների» ներկայացուցիչները միայն մամուլից են տեղեկացել, որ որոշվել է ընտրություններին մասնակցել «Ժառանգության» ցուցակով: Այսինքն, որոշումը կայացվել է բոլորովին այլ մակարդակում, եւ դրա մասին իմացել է ընդամենը մի քանի հոգի: «Ժառանգության» ներկայացուցիչները դեռ մի քանի օր առաջ իմացել են, որ «Ազատ դեմոկրատները» մտնելու են իրենց ցուցակ, բայց «Ազատ դեմոկրատների» վարչության անդամները եւ հիմնադիր ներկայացուցիչները տեղյակ չեն եղել: Միասնական ցուցակի հրապարակումից հետո «Ազատ դեմոկրատների» վարչության անդամները, ըստ հավաստի տեղեկությունների, բացատրություն են պահանջել կուսակցության նախագահ Խաչատուր Քոքոբելյանից: Եղել է մեծ վեճ: Ինչպես հայտնում են մեր աղբյուրները, մասնավորապես Արարատ Զուրաբյանը եւ Գառնիկ Գեւորգյանը շատ կտրուկ են դրել հարցը, որ այդ ձեւաչափով ընտրություններին մասնակցել չի կարելի, ավելի լավ է` միայնակ գնալ եւ արժանապատիվ պարտություն կրել, քան մտնել Րաֆֆու ցուցակ: Բայց երբ հասկացել են, որ որոշումը վերջնական է, ու որեւէ բան հնարավոր չէ փոխել, պահանջել են իրենց անունները հանել միասնական ցուցակից` դա համարելով անպատվաբեր: «Ազատ դեմոկրատների» վարչությունն այժմ, ըստ էության, պարալիզացված է: Արարատ Զուրաբյանը եւ Գառնիկ Գեւորգյանը, թերեւս, կլքեն կուսակցությունը. ըստ էության, այլ տարբերակ չկա էլ: Այսինքն, նորաստեղծ այդ կուսակցությունն արդեն լուրջ ճաքեր է տվել: Գառնիկ Գեւորգյանը երեկ կտրականապես հրաժարվեց պատասխանել մեր հարցերին, իսկ Արարատ Զուրաբյանի հետ այդպես էլ չհաջողվեց կապ հաստատել:
Ի դեպ, նախորդ համարում տեղեկացրել էինք, որ Արաբկիր համայնքն ընդգրկող թիվ 4 ընտրատարածքի ինտրիգներից մեկն էլ այստեղ մեծամասնականով առաջադրված Զարուհի Փոստանջյան-Սաթիկ Սեյրանյան-«Ազատ դեմոկրատներ» հանգույցն է: Մինչ երկու ուժերի միասնական ցուցակի հրապարակումը` տեղեկություններ կային, որ թիվ 4-ում «Ազատ դեմոկրատները» սատարելու են Սաթիկ Սեյրանյանին: Այս կապակցությամբ մեր հարցին Սաթիկ Սեյրանյանը պատասխանեց. ««Ազատ դեմոկրատներ» կուսակցության ղեկավարներից շատերի հետ ունենալով ընկերական, մարդկային հարաբերություններ, տեղյակ եմ եղել բոլոր գործընթացներին եւ փորձել եմ աջակցել: «Ազատ դեմոկրատների» հիմնադրման սկզբնական փուլում ինձ նաեւ առաջարկել են դառնալ կուսակցության փոխնախագահ, ինչից հրաժարվել եմ, քանի որ, Հայաստանի քաղաքական դաշտի այսօրվա իրողությունները հաշվի առնելով, սկզբունքորեն չեմ ցանկանում անդամակցել որեւէ կուսակցության: Այդուհանդերձ, ինչպես առիթ ունեցել եմ նշելու, «Ազատ դեմոկրատների» գաղափարական, արժեքային համակարգն ինձ ավելի հոգեհարազատ եմ համարում: Դա էր պատճառը, որ մինչեւ իմ թեկնածության առաջադրումը` քննարկվում էր «Ազատ դեմոկրատների» կողմից ինձ պաշտոնապես սատարելու հնարավորությունը: Սակայն, այն ժամանակ խոսքը կամ «Ազատ դեմոկրատների», կամ «Ազատ դեմոկրատներ»-«Ժառանգություն» դաշինքի կողմից ինձ սատարելու մասին էր: Մի քանի օրվա ընթացքում ինձ համար անսպասելիորեն ընտրություններին նրանց մասնակցության ձեւաչափը փոխվեց, եւ «Ազատ դեմոկրատներն» ընդամենը ընդգրկվեցին «Ժառանգության» համամասնական ցուցակում: Դա ինձ համար անհասկանալի ու անընդունելի ձեւաչափ է, եւ հարգելով նրանց որոշումը` հրաժարվեցի այդ համագործակցությունից, այդ թվում` «Ժառանգության» համամասնական ցուցակում ընդգրկվելու առաջարկից: Թեման մեկընդմիշտ փակված համարելու համար ուզում եմ նշել` որեւէ կուսակցություն, այդ թվում եւ առաջին հերթին «Ժառանգությունը»` «Ազատ դեմոկրատներով» հանդերձ, ինձ ո՛չ պաշտոնապես, ոչ էլ որեւէ այլ կերպ չի սատարում: Հավատացած եմ, որ ինձ սատարելու է Արաբկիրի բնակչությունը»:
Ի դեպ, նախորդ համարում տեղեկացրել էինք, որ Արաբկիր համայնքն ընդգրկող թիվ 4 ընտրատարածքի ինտրիգներից մեկն էլ այստեղ մեծամասնականով առաջադրված Զարուհի Փոստանջյան-Սաթիկ Սեյրանյան-«Ազատ դեմոկրատներ» հանգույցն է: Մինչ երկու ուժերի միասնական ցուցակի հրապարակումը` տեղեկություններ կային, որ թիվ 4-ում «Ազատ դեմոկրատները» սատարելու են Սաթիկ Սեյրանյանին: Այս կապակցությամբ մեր հարցին Սաթիկ Սեյրանյանը պատասխանեց. ««Ազատ դեմոկրատներ» կուսակցության ղեկավարներից շատերի հետ ունենալով ընկերական, մարդկային հարաբերություններ, տեղյակ եմ եղել բոլոր գործընթացներին եւ փորձել եմ աջակցել: «Ազատ դեմոկրատների» հիմնադրման սկզբնական փուլում ինձ նաեւ առաջարկել են դառնալ կուսակցության փոխնախագահ, ինչից հրաժարվել եմ, քանի որ, Հայաստանի քաղաքական դաշտի այսօրվա իրողությունները հաշվի առնելով, սկզբունքորեն չեմ ցանկանում անդամակցել որեւէ կուսակցության: Այդուհանդերձ, ինչպես առիթ ունեցել եմ նշելու, «Ազատ դեմոկրատների» գաղափարական, արժեքային համակարգն ինձ ավելի հոգեհարազատ եմ համարում: Դա էր պատճառը, որ մինչեւ իմ թեկնածության առաջադրումը` քննարկվում էր «Ազատ դեմոկրատների» կողմից ինձ պաշտոնապես սատարելու հնարավորությունը: Սակայն, այն ժամանակ խոսքը կամ «Ազատ դեմոկրատների», կամ «Ազատ դեմոկրատներ»-«Ժառանգություն» դաշինքի կողմից ինձ սատարելու մասին էր: Մի քանի օրվա ընթացքում ինձ համար անսպասելիորեն ընտրություններին նրանց մասնակցության ձեւաչափը փոխվեց, եւ «Ազատ դեմոկրատներն» ընդամենը ընդգրկվեցին «Ժառանգության» համամասնական ցուցակում: Դա ինձ համար անհասկանալի ու անընդունելի ձեւաչափ է, եւ հարգելով նրանց որոշումը` հրաժարվեցի այդ համագործակցությունից, այդ թվում` «Ժառանգության» համամասնական ցուցակում ընդգրկվելու առաջարկից: Թեման մեկընդմիշտ փակված համարելու համար ուզում եմ նշել` որեւէ կուսակցություն, այդ թվում եւ առաջին հերթին «Ժառանգությունը»` «Ազատ դեմոկրատներով» հանդերձ, ինձ ո՛չ պաշտոնապես, ոչ էլ որեւէ այլ կերպ չի սատարում: Հավատացած եմ, որ ինձ սատարելու է Արաբկիրի բնակչությունը»:
Комментариев нет:
Отправить комментарий