-Իսկ ինչից վերցրեցիք, որ ես այդ կուսակցության համակիրն եմ:
- Այս տարի գարնանը Դուք ակտիվորեն մասնակցում էիք իրենց համաժողովներին, ելույթներ էիք ունենում եւ այլն կամ միգուցե արդեն այդպես չէ:
- Այս տարի գարնանը Դուք ակտիվորեն մասնակցում էիք իրենց համաժողովներին, ելույթներ էիք ունենում եւ այլն կամ միգուցե արդեն այդպես չէ:
- Ես համախոհն եմ, համակիրը չեմ, որովհետեւ ժողովին երկու համագումար է եղել մեկը ՙԺառանգության՚, մյուսը` ՙԱզատ դեմոկրատների՚, եւ այդ երկուսին էլ մասնակցել եմ, ելույթ եմ ունեցել, եւ երկուսն էլ ազատական են:
- Անգամ եթե համախոհն եք, հնարավոր համարո±ւմ եք առաջիկայում դառնալ այդ կուսակցության անդամը:
- Ոչ, շատ քիչ հավանական է, չեմ ուզում որեւէ կուսակցության անդամակցել, որովհետեւ հիասթափված եմ հայաստանյան կուսակցություններից, ինչի± պետք է հիմա որոշեմ անդամակցել:
- Ի±նչ եք կարծում, ինչ պատճառով Արարատ Զուրաբյանը հեռացավ Ձեր համախոհ կուսակցությունից:
- Ի±նչ իմանամ, նույն հաջողությամբ կարող էիք հարցնել Օբամայի կուսակցության ներքին խոհանոցից:
- Մի±թե այդքան նմանություն կա այդ կուսակցութունների միջեւ:
- Միակ նմանությունն այն է, որ երկուսից էլ անտեղյակ եմ:
- Կա տեսակետ այն մասին, որ պարոն Զուրաբյանը չի հաշտվել այն մտքի հետ, որ դաշնակից ՙԺառանգություն՚ կուսակցությունը դեռեւս շարունակում է գլխավորել Րաֆֆի Հովհաննիսյանը: Դուք կիսո±ւմ եք այդ տեսակետը:
- Ոչ միայն չեմ կիսում, այլ կարծում եմ, որ դա ոչ մի առնչություն չունի իրական դրդապատճառների հետ:
- Ստացվում է, որ Դուք գիտե±ք իրական դրդապատճառների մասին:
- Ոչ, չգիտեմ, բայց չեմ կարծում, որ նման անլուրջ բան լինի:
- Պարոն, Ռուբինյան ինչպե±ս եք վերաբերվում Վանո Սիրադեղյանի վերադարձին:
- Իսկ ինձ վերաբերվող հարցեր ունե±ք Դուք:
- Մենք ընդամենը ցանկանում ենք լսել Ձեր կարծիքը, որպես քաղաքական գործիչ` ներքաղաքական զարգացումների մասին:
- Այն ստորագրահավաքը, որը կազմակերպվել է ՙՖեյսբուք՚ սոցիալական կայքում, այդ կազմակեպմամբ այո, համաձայն եմ, որպեսզի պարոն Սիրադեղյանը հնարավորություն ունենա առանց քաղաքական հետապնդման ապրի իր հայրենիքում, որի տակ ես ստորագրել եմ:
- Ձեր կարծիքով ինչ կփոխվի նրա գալով:
- Իսկ ինչ պետք է փոխվի որ: Լավ կլիներ, որ հարցնեիք, ինչ պիտի փոխվի, երբ Վ. Սիրադեղյանը հայտնվի Հայաստանում: Պետք է այսօրվա ապօրինի իշխանությունները վերանան, պետք է անկախ դատական համակարգ լինի եւ երաշխավորված լինի, որ արդար դատաքննությամբ, բոլոր հանգամանքները պարոն Սիրադեղյանի հետ կապված քննվի:
- Ի±նչ եք կարծում, ինչով է պայմանավորված ընդդիմության պասսիվությունը ՏԻՄ ընտրություններում:
- Դե, ընդդիմությունը թույլ է, մասնատված է, չկողմնորոշված է, աջակիցները հիասթափված են, դրա համար չի մասնակցում ընտրություններին:
- Հավանական համարում եք ընդդիմության կողմից մեկ միասնական թեկնածուով հանդես գալը նախագահական ընտրություններին:
- Ոչ, շատ քիչ հավանական է:
ԱՐՄԵՆՈՒՀԻ ՀԱԿՈԲՅԱՆ iravunk.com
Комментариев нет:
Отправить комментарий