.jpg)
«Բարոյական չէ, որ բարոյականությունից խոսացող գործիչը կորցնում է իր բարոյական նորմը», - դիմելով դահլիճից բացակայող Արամ Մանուկյանին, նշեց Գեւորգյանը: Նա իր ելույթը եզրափակեց Սերժ Սարգսյանին ուղղված շնորհավորանքներով, որը «Գորիսում ջախջախիչ հաղթանակ է տարել»:
ԲՀԿ խմբակցության քարտուղար Նաիրա Զոհրաբյանը նշեց, որ ՀՀԿ-ՕԵԿ-ական պատգամավորների ելույթներն իրեն ՍՄԿԿ համագումարները հիշեցրին. «Այդ ելույթներն այլ կերպ, քան քծնանքի, շողոքորթության կենացներ, բնորոշել հնարավոր չէ», - ասաց տիկին Զոհրաբյանը՝ ցավ հայտնելով, որ ընդդիմախոսին վարկաբելելու գործելաոճը մեծամասնության աշխատանքի անբաժան մասն է:
Նա նշեց, որ քաղաքական լրջագույն իրավիճակ երկրորւմ ստեղծվել է ոչ թե փետրվարի 18-ի ընտրություններից հետո, այլ բավական երկար ժամանակ ի վեր:
«Երբ ԲՀԿ-ը ասում էր, որ երկիրը կանգնած է լրջագույն սոցիալ-տնտեսական քաղաքական ճգնաժամի առաջ, մեզ մեղադրում էին, որ մենք կառավարության ու նրա ղեկավարի դեմ խարչակրաց արշավանքի է ելել: Որեւէ մեկն արժանի չէ, որ մենք նրա դեմ անհատապես արշավանքի ելնենք: Մենք ասում էինք, որ եթե թալանելու եք, ճնշելու եք գործարարությունը, դրա պատասխանը լինելու է բողոքավորների թվի մեծացումը», - ասաց Նաիրա Զոհրաբյանը: Նրա խոսքով, երբ այս պայմաններում կառավարությունը թույլ է տալիս թանկարժեք զուգարաններ կայացնել այլ բան սպասելի չէ, եւ «պետք չէ դեմագոգիայով զբաղվել, թե տուրիզմ եք զարգացնում: Տուրիզմ զարգացնելու համար մտածեք այն մասին, որ ձեր տոմսերը ամենաթանկն են Եվրոպայում»:
Իսկ ՀՀԿ խմբակցության անդամ Արտաշես Գեղամյանը, ընտրությւոնների «անբասիրությունը» ապացուցելու համար նշեց, որ վերջերս վերադարձել է Վիեննայում տեղի ունեցող ԵԱՀԿ Խորհրդարանական վեհաժողովի աշխատանքներից, որտեղ, ըստ նրա, բոլորը միահամուռ արձանագրում էին, որ Հայաստանում տեղի են ունեցել «լավագույն ընտրությունները»: Եվ դա, Գեղամյանի խոսքով, առաջացրել է «թուրք-ադրբեջանական գաղափարական մեքենայի» դժգոհությունը: Ըստ ՀՀԿ-ականի, «թուրք-ազերիական» տանդեմը հասավ իր նպատակին՝ Հայաստանում ներքին կայունույթունը փորձում են խարխլել:
1 комментарий:
Ձեր գրառումը տեղ գտավ www.BlogNews.am կայքում: Շնորհակալություն:
Отправить комментарий